Shetkari Sanghatana : 'संघटनेतून हकालपट्टी हा माझ्यासाठी..' कारवाईनंतर तुपकरांनी व्यक्त केली मनातील खदखद

पक्ष विरोधी कारवाया, पक्ष श्रेष्ठी विरोधात आरोप करणाऱ्या रविकांत तुपकरांची पक्ष संघटनेकडून स्वाभिमानी शेतकरी संघटनेचे प्रदेशाध्यक्ष जालिंदर पाटील यांनी रविकांतकरांची स्वाभिमानी शेतकरी संघटनेमधून हकालपट्टी केली आहे. त्यानंतर रविकांत तुपकर माध्यमांसमोर आले आहे आणि आपली पहिली प्रतिक्रिया दिली आहे. संघटनेसाठी 20-22 वर्षे काम केल्यानंतर त्याचं फळ असं मिळेल अशी अपेक्षा नव्हती असं म्हणत, कोल्हापूरमध्ये सीमित असणारी संघटना राज्यभर वाढवण्यासाठी काम केलं असल्याचं रविकांत तुपकर यांनी म्हटलंय. त्यामुळे आता 24 तारखेनंतर आपली पुढची भूमिका स्पष्ट करणार असल्याच रविकांत तुपकर यांनी सांगितलंय. त्यामुळे आता 24 तारखेच्या बैठकीनंतर रविकांत तुपकर हे नवीन संघटना काढतात किंवा कुठल्या पक्षात जातात याकडे सर्वांचे लक्ष लागून आहे.

रविकांत तुपकर यांनी बोलावलेल्या बैठकीशी संघटनेचा कोणताही संबंध नाही असंही स्वाभिमानी शेतकरी संघटनेकडून स्पष्ट करण्यात आलंय. जालिंदर पाटील म्हमाले की, तुपकर यांना अनेकदा संधी देऊनही ते आमच्या शिस्तपालन समितीसमोर हजर झालेले नाही. उलट ते शेट्टी यांच्यावर सातत्याने टीका करताना दिसतात. गेल्या तीन ऊस परिषदेलाही ते गैरहजर राहिले आहेत.