पर्यटकांसाठी आनंदाची बातमी! तब्बल 4 महिन्यानंतर पाणचक्कीला आलं पाणी, गाईड काय म्हणाले?

गेल्या चार-पाच महिन्यांपासून पाणी नव्हतं. त्यामुळे पाणचक्की बंद होती. विशेष म्हणजे याचं जातंही बंद होतं आणि पर्यटक खास हे जातं बघण्यासाठी येतात. पण आता पहिला पाऊस पडल्यानंतर पाणी आलं आणि गेल्या 4 ते 5 दिवसांपासून मोठे पर्यटक याठिकाणी येत आहेत. यामुळे आम्हाला खूप आनंद होत आहे, अशी भावना गाईड आसिफ यांनी व्यक्त केली.

ही पाणचक्की सन 1744 मध्ये बांधण्यात आली. हसरत बाबा शहा मुसाफिर यांनी ही पाणचक्की बांधली. शहराच्या उत्तरेकडेच म्हणजे सुमारे 6 किलोमीटर अंतरावर झटवाडा डोंगर आहे. या डोंगरातून जमिनीत जवळपास 30 फूट पर्यंत खोदकाम करून नहरीच्या माध्यमातून पाणचक्की तयार करण्यात आली. त्यानंतर पाणी 20 फूट उंचीच्या भिंतीवरून लोखंडी पंख्यावर सोडण्यात आले.

पंख्यांच्या लोखंडी पाथ्यावर जोराने भिंतीवरून पडणारे पाणी पंख्यांना फिरायला भाग पाडते. त्याच्यावरच्या भागांमध्ये पंख्यांवरती एक दळण दळण्याचे जातं बसवण्यात आले. त्या जात्यामध्ये धान्य टाकून त्यातून पीठ काढलं जायचं आणि यातून यात्राकरुंच्या जेवणाची व्यवस्था केली जात होती. सध्या या पाणचक्कीतून दळण दळले जात नसले तरी लोखंडी पंख आणि दगडी जाते आजही पाण्याच्या प्रवाहामुळे फिरते.