घाटी रुग्णालयात मराठवाड्यातील पहिली स्किल लॅब सुरू, विद्यार्थ्यांना होणार हा महत्त्वाचा फायदा

स्किल लॅबमध्ये कृत्रिम मानवी देह ठेवण्यात आले आहेत. जशी मानवी शरीराची रचना असते, त्याचप्रमाणे या ठिकाणी ठेवण्यात आलेल्या या डमी बॉडीची रचना आहे. या ठिकाणी विद्यार्थ्यांना सर्व गोष्टी शिकवण्यात येत आहेत. यामध्ये इंजेक्शन कसे द्यावे, सलाईन कशी लावावी, त्याचप्रमाणे सीपीआर कसा द्यायचा, यासोबतच प्रसूती कशी करावी या सर्व बाबी विद्यार्थ्यांना या डमी बॉडीवरती शिकवण्यात येत आहे आणि यामुळे विद्यार्थ्यांना शिक्षण घेणं खूप सोपं जाणार आहे.