मुख्यमंत्र्यांना पाठवा! सरकारचे शिष्टमंडळ हाकेंच्या भेटीला येताच OBC कार्यकर्त्यांचा गोंधळ

सिद्धार्थ गोदाम, छत्रपती संभाजीनगर : मनोज जरांगे पाटील यांनी सुरु केलेल्या उपोषणानंतर ओबीसी नेते लक्ष्मण हाके (Laxman Hake) यांनी  ओबीसी आरक्षण (Obc Reservation) वाचवण्यासाठी आमरण उपोषण सुरू केलं आहे. ओबीसी भटक्या विमुक्त जाती जमातीचे आरक्षण वाचवण्यासाठी लक्ष्मण हाके यांचं गेल्या ९ दिवसांपासून वडीगोद्री इथं उपोषण सुरू आहे. लक्ष्मण हाके यांची प्रकृती खालावली असून त्यांनी उपोषण मागे घ्यावं  यासाठी सरकारचं शिष्टमंडळ भेटीला पोहोचलं आहे. चर्चेतून आपल्या मागण्यांवर मार्ग निघेल असं गिरीश महाजन (Girish Mahajan on Laxman Hake) यांनी यावेळी म्हटलं. दरम्यान, शिष्टमंडळासमोरच कार्यकर्त्यांनी गोंधळ घालत मुख्यमंत्र्यांनी चर्चेसाठी यावं असं म्हटलं.