एक वही एक पेन, महापरिनिर्वाण दिनी 11 वर्षांपासून राबवला जातोय अनोखा उपक्रम, गरजूंना अशी होतीये मदत

छत्रपती संभाजीनगर : 6 डिसेंबर हा डॉ. बाबासाहेब आंबेडकर यांचा महापरिनिर्वाण दिन म्हणून साजरा केला जातो. बाबासाहेबांनी जनतेला 'शिका, संघटित व्हा आणि संघर्ष करा'चा संदेश दिला. याच संदेशातून प्रेरणा घेत छत्रपती संभाजीनगर येथील 'फेस ऑफ आंबेडकराईट मुव्हमेंट (फॅम)' तर्फे अनोखा उपक्रम राबवण्यात येत आहे. महापरिनिर्वाण दिनी 'एक वही एक पेन' अभियानातून वही पेन गोळा केले जातात आणि ते गरजूंपर्यंत पोहोचवले जातात. गोरगरिबांच्या शिक्षणासाठी सहकार्य आणि प्रोत्साहन देणारा हा उपक्रम आहे.