तुम्हाला पण माहितीये का? नगरपालिका आणि नगरपंचायत यांच्यातला नेमका फरक काय; समजून घ्या!

नगरपंचायत ही मुख्यत्वे ग्रामीण भागाकडून शहरी भागाकडे संक्रमित होणाऱ्या क्षेत्राकडे स्थापन होणारी स्थानिक स्वराज्य संस्था आहे. नगरपंचायतसाठी दहा हजार ते 25000 अशी लोकसंख्या असणे आवश्यक आहे. या क्षेत्रामध्ये ग्रामीण जीवनमान सुधारण्यासाठी शहरी सुविधा हळूहळू उपलब्ध करून देणे हे नगरपंचायतचे काम आहे. ज्या ठिकाणी 50 टक्के पेक्षा जास्त लोकसंख्या ही शेतीमध्ये गुंतलेले असते.

‎नगर परिषद किंवा नगरपालिका ही लहान आणि मध्यम आकाराच्या शहरी भागासाठी असते. ज्या शहराची लोकसंख्या 25000 पेक्षा जास्त पण एका लाखापेक्षा कमी असते या ठिकाणी नगर परिषदेची स्थापना केली जाते. नगरपरिषदेचे कार्य हे नगरपंचायती पेक्षा अधिक मोठे असते. त्यामध्ये पाणीपुरवठा, आरोग्य सेवा, सांडपाण्याची व्यवस्था, रस्ते, शिक्षण, अग्निशामक सेवा, जन्ममृत्यू नोंदणी, सार्वजनिक वाहतूक, पर्यावरण संरक्षण यांचा समावेश होतो.