सिडको पोलिसांची मोठी कारवाई, चोरीला गेलेले हरवलेले 101 मोबाईल मूळ मालकांना परत

अविनाश कानडजे, छत्रपती संभाजीनगर : फोन चोरीला गेल्यानंतर तो मिळणारच नाही याची खात्री असते. कितीही प्रयत्न केले तरीसुद्धा पोलिसांकडून काही पुढे प्रक्रिया होत नाही असं बऱ्याचदा ऐकायला मिळतं, मात्र चक्क छत्रपती संभाजीनगरमध्ये पोलिसांनी 101 मोबाईल शोधून काढले आहेत. सिडको पोलीस ठाण्याच्या विशेष पथकाने एका मोठ्या तांत्रिक तपास मोहिमेद्वारे १६ लाख २५ हजार रुपये किमतीचे तब्बल १०१ चोरी झालेले आणि हरविलेले मोबाईल फोन यशस्वीरित्या शोधून काढले आहेत. ही तातडीची आणि प्रभावी कारवाई आज अनेक नागरिकांसाठी दिलासादायक ठरली आहे.