काँग्रेस सेंच्युरीच्या जवळ, विधानसभा निवडणुकीसाठी चौथी यादी जाहीर

नवी दिल्ली : विधानसभा निवडणुकीसाठी काँग्रेसने त्यांची चौथी यादी जाहीर केली आहे. या यादीसोबतच काँग्रेसने 99 जागांचा टप्पा गाठला आहे. याआधी काँग्रेसने 87 उमेदवारांची घोषणा केली होती. आता आज जाहीर झालेल्या यादीमध्ये एकूण 14 उमेदवार आहेत, पण यातले दोन उमेदवार हे बदली आहे, त्यामुळे काँग्रेसने आतापर्यंत 100 जणांना उमेदवारी दिली आहे. काल जाहीर झालेल्या यादीत काँग्रेसने अंधेरी पश्चिममधून सचिन सावंत तर औरंगाबाद पूर्वमधून मधुकर देशमुख यांना उमेदवारी दिली होती, पण या दोघांऐवजी आता अंधेरीतून अशोक जाधव आणि औरंगाबादमधून लहू शेवाळे यांना तिकीट दिलं आहे.