Dhananjay Munde : 200 दिवसांचं मौन धनुभाऊंनी सोडलं, विरोधकांवर बरसले, 'वैर माझ्याशी तर...'

सुरेश जाधव, प्रतिनिधी, बीड: मस्साजोगचे सरपंच संतोष देशमुख यांच्या हत्या प्रकरणात निकटवर्तीय वाल्मिक कराड तुरुंगात गेल्यानंतर धनंजय मुंडे यांच्यावर आरोपांच्या फैऱ्या झडल्या. संतोष देशमुख हत्या प्रकरण आणि कृषी खात्यातील कथित गैरव्यवहार प्रकरणी आरोप झाल्यानंतर धनंजय मुंडे यांना मंत्रीपदाचा राजीनामा द्यावा लागला. त्यानंतर धनंजय मुंडे यांनी जाहीर कार्यक्रमात भाषण करणे टाळले होते. आता जवळपास 200 दिवसानंतर धनंजय मुंडे यांनी आपलं मौन सोडले आहे. राष्ट्रवादीच्या कार्यक्रमात धनंजय मुंडे यांनी शेरो शायरीतून विरोधकांवर जोरदार हल्ला चढवला.