मंत्रालयात काम असणाऱ्या पुणेकरांसाठी आनंदाची बातमी! थेट स्वारगेट ते मंत्रालय शिवनेरी बससेवा, अशी राहणार वेळ

मुंबई : दररोज हजारो चाकरमानी, मंत्रालयातील शासकीय कामांसाठी तसेच मंत्रालयातील कामांव्यतिरिक्त इतर कामांसाठी नागरिक मुंबई ते पुणे असा प्रवास करत असतात. या प्रवास करणाऱ्यांसाठी आता एक आनंदाची बातमी समोर आली आहे.

एसटी महामंडळाने स्वारगेट-मंत्रालय-स्वारगेट, अशी शिवनेरी बससेवा मंगळवारपासून सुरू केली आहे. दर सोमवारी आणि शुक्रवारी ही बस सेवा सुरू राहणार आहे. या शिवनेरी बसचा प्रवास अटल सेतू मार्गे होणार आहे. अटल सेतूमुळे प्रवासाचे अंतर बऱ्यापैकी कमी झाले आहे. आता या मार्गावरून एसटी महामंडळाच्या बस धावू लागल्या आहेत.

अटल सेतूच्या मार्गाने पुणे ते दादर हे अंतर वाशी, कळंबोली मार्गापेक्षा पाच किलोमीटरने कमी भरते. याशिवाय, वाहतूक कोंडीची समस्या विचारात घेतल्यास शिवनेरी बस अटल सेतूवरुन नेल्यास प्रवासाचा वेळ साधारण तासाभराने कमी झाला आहे, असे सांगण्यात येत आहे. त्यामुळे पुणे ते दादर, अटल सेतूवरून प्रवास करणाऱ्या बसला चांगला प्रतिसाद मिळत आहे. असे असताना आता मंत्रालयातील कर्मचाऱ्यांनी मंत्रालय-स्वारगेट बसची मागणी केली होती. त्यानुसार ही सेवा सुरू करण्यात आली आहे.

फुल : 565

हाफ : 295

शुक्रवारी : मंत्रालय ते स्वारगेट सायंकाळी साडेसहा वाजता