डॉक्टरच्या चुकीमुळे हसता-खेळता संसार उद्ध्वस्त! पत्नीला वाचवण्यासाठी पतीने घर-दार विकलं, २०३ दिवसांपासून ती मृत्यूच्या दारात

एका डॉक्टरने चुकीची औषधं दिली आणि ती थेट महिलेच्या जीवावर बेतली आहेत. आज ती महिला जण्यासाठी संघर्ष करत आहे. एका डॉक्टरने आपल्या अधिकार क्षेत्राबाहेर जाऊन दिलेल्या चुकीच्या औषधांमुळे २८ वर्षीय महिलेला मृत्यूशी झुंज द्यावी लागत आहे. गेल्या २०३ दिवसांपासून ही महिला मृत्यूशी झुंज देत असून, तिच्या उपचारासाठी पतीने आपले घरदार, प्लॉट आणि वाहने विकून तब्बल १५ ते १६ लाख रुपये खर्च केला. या प्रकरणी शहर चौक पोलीस ठाण्यात डॉ. मोहंमद इब्राहिम सौदागर याच्यावर गुन्हा दाखल करण्यात आला.