E-bike Taxi: ई-बाइक टॅक्सीला हिरवा कंदील, किती असेल भाडं? वाचा A टू Z माहिती

ई-बाइक टॅक्सीचा वापर करून प्रवासी वाहतूक करणाऱ्या चालकांसाठी शासनाने भाड्याचे दर निश्चित केले आहेत. चालकांना त्यानुसारच प्रवाशांकडून भाडे आकारणी करावी लागेल. ई-बाइक टॅक्सीची भाडे आकारणी दोन टप्प्यांत आधारित आहे. पहिल्या टप्प्यात प्रति 1.5 किलोमीटर अंतरासाठी प्रवाशांना 15 रुपये भाडं द्यावे लागेल तर त्यापुढील प्रवासासाठी प्रति किलोमीटर 10.27 रुपये मोजावे लागतील. भाड्याचे दर प्रत्येक शहरात समान असतील की नाही याबाबत सविस्तर माहिती अद्याप मिळालेली नाही.

ई-बाइक टॅक्सीवरून प्रवास करताना एकावेळी दोन जण म्हणजे चालक आणि त्यामागे एकच प्रवासी असेल. प्रवासी महिला असल्यास त्यासाठी संबंधित वाहनावर पार्टिशन बंधनकारक असणार आहे. त्यामुळे चालकांना पार्टिशनची व्यवस्था करावी लागणार आहे.