Eknath Shinde BJP महायुतीत खळबळ! निवडणुकीच्या धामधुमीत शिवसेनेला धक्का, शिंदेंच्या शिलेदाराविरोधात चौकशी समिती

मुंबई: स्थानिक स्वराज्य संस्थांच्या निवडणुकांच्या प्रचाराचा धुरळा उडाला आहे. भाजप विरुद्ध शिवसेना शिंदे गटात कुरघोडी, आरोप-प्रत्यारोप जोरात सुरू आहेत. भाजपकडून शिंदे गटाला चांगलेच अडचणीत आणले जात आहे. अशातच आता एकनाथ शिंदे यांचे शिलेदार आणि राज्याचे मंत्री संजय शिरसाट चांगलेच अडचणीत सापडले आहेत. भूखंड भ्रष्टाचार प्रकरणी आता चौकशी समिती स्थापन झाली आहे. या प्रकरणी काही महिन्यांपासून शिरसाटांवर आरोप सुरू होते. मात्र, आता चौकशी समिती स्थापन करण्याच्या टायमिंगवरून राजकीय वर्तुळात चर्चांना उधाण आले आहे.