Ladki Bahin योजनेवरुन CM विरोधकांवर संतापले, "खोडा घालाल तर कोल्हापुरी जोडा दाखवू"

साताऱ्यात कोरेगावचे महायुतीचे उमेदवार महेश शिंदे यांच्या प्रचाराच्या सभेत मुख्यमंत्री एकनाथ शिंदे बोलते होते. यावेळी त्यांनी लाडकी बहिणसह अनेक मुद्द्यावरून विऱोधकांवर हल्ला चढवला होता. कोविडच्या काळात लपुन कसं चालायचंय. पण मी जे जे करायचं ते मी त्या काळात बाहेर पडून केलं, असा शब्दात मुख्यमंत्री शिंदेंनी ठाकरेंनी टोला लगावला.

शिवसेना नाव आणि चिन्ह एकनाथ शिंदेंच्या शिवसेनेला मिळाल्यानंतर ठाकरेंनी जनतेच्या दरबारात जाण्याची भाषा केली होती. हाच धागा पकडून आता शिंदेंनी उद्धव ठाकरेंना आव्हान दिले आहे.दोन अडिच वर्षांच महाविकास आघाडीचं कामं आणि दोन वर्षांच महायुतीचं काम, जावा जनतेच्या दरबारात आणि होऊन जाऊद्यात दुध का दुध आणि पाणी का पाणी, असे आव्हान शिंदेंनी ठाकरेंना दिले आहे.

मुख्यमंत्री शिंदेंनी लाडकी बहिणवरून देखील विरोधकांना घेरलं आहे. लाडक्या बहिणींच प्रेम मिळतय,त्यामुळे विरोधकांच्या पोटात दुखतंय. पण हे सरकार म्हणजे देना बँक लेना बँक नाही, असा टोला देखील शिंदेंनी ठाकरेंना लगावला आहे.तसेच कोणी मायकलाल आला तरी लाडकी बहीण योजना बंद करु शकणार नाही. तरी जर योजनेत खोडा घातला, तर कोल्हापूरी जोडा दाखवल्या शिवाय थांबु नका, असे आवाहन शिंदेंनी जनतेला केले आहे.

त्याचसोबत २३ नोव्हेंबरला निकाल लागला की डिसेंबरचे पैसे महिलांच्या खात्यात टाकणार आहे.आणि लाडक्या बहिणींना १५०० रूपयांवर न ठेवता त्यांचा निधी वाढवणार आहे. मला बहिणी लखपती झालेल्या बघायच्या आहेत, असा विश्वास देखील मुख्यमंत्री शिंदेंनी व्यक्त केला.

जे जे करायचं त्या काळात मी बाहेर पडुन केलं

लोकांसाठी बाहेर पडलो

आपल्या आशर्वादानं माझं चांगलं सुरु आहे

जनता हेच माझं टॉनिक आहे

महेश शिंदे सारखा आमदार असावा

जनतेच्या दरबारात जावा दोन अडिच वर्षांच महाविकास आघाडीचं कामं आणि दोन वर्षांच महायुतीचं काम होवुन जावुद्यात दुध का दुध पाणी का पाणी

लाडक्या बहिणींच प्रेम मिळतय

लाडक्या बहिन योजनेत विरोधकांच पोट दुखायला लागलं

हे सरकार म्हणजे देना बँक लेना बँक नाही

कोणी मायकलाल आलातरी लाडकी बहीण योजना बंद करु शकणार नाही

योजनेत खोडा घालणा-यांना कोल्हापुरी जोडा दाखवल्या शिवाय थांबु नका

२३ नोव्हेंबरला निकाल झाला की डिसेंबरचे पैसे महिलांच्या खात्यात टाकणार

लाडक्या बहिणींना १५०० वर न ठेवता पैसे वाढवणार असुन बहिणी लखपती झालेलं बघायचय

शेतकरी आमचा अन्नदाता मायबाप

सरकारच्या तिजोरीवर पहिला अधिकार बळिराजाचा

माझ्या बहिणींकडं वाकड्या नजरेनं पाहिलं त्याला फाशीची शिक्षा होईल

बदलापुरच्या घडनेत आरोपीला फाशी द्या म्हणारे विरोधकांनी पोलीसांनी आरोपिचा एनकाऊंटर केला तेव्हा यांनीच पुन्हा टिका केली

आम्ही संघर्षातुन आलोय

लाडक्या बहिणींसाठी आम्हाला जेल मध्ये जावं लागलं तरी १०० वेळा तुरुंगात जावु

मुंगेरीलाल के हसीण सपने हे विरोधकांचे आहेत

महेश शिंदे यांच काम अतुलणीय

माझा सर्वात आवडता आमदार हा महेश शिंदे आहे