Chandrapur: निर्ढावलेल्या शासकीय यंत्रणेचा बळी, हक्काच्या तुकड्यासाठी 55 वर्षांच्या शेतकऱ्याचा दुर्दैवी मृत्यू

चंद्रपूर जिल्ह्यातील भद्रावती तहसील कार्यालयात 26 सप्टेंबर रोजी हा प्रकार घडला होता. परमेश्वर मेश्राम (55) असं या शेतकऱ्याचं नाव आहे. परमेश्वर मेश्रााम यांनी २६ सप्टेंबरला तहसील कार्यालयात विष प्राशन करण्याचा प्रयत्न केला होता. त्यानंतर त्यांना तातडीने रुग्णालयात दाखल केलं होतं. चंद्रपूर जिल्हा सामान्य रुग्णालयात त्यांच्यावर उपचार सुरू होते, मात्र आज परमेश्वर मेश्राम यांचा मृत्यू झाला. मेश्राम यांच्या मृत्यूनंतर त्यांच्या कुटुंबीयांनी मृतदेह ताब्यात घेण्यास नकार दिला आहे. जमिनीचा फेरफार जोपर्यंत आमच्या नावावर होत नाही आणि शेतीचा ताबा मिळत नाही तोपर्यंत मृतदेह घेणार नसल्याची भूमिका कुटुंबियांनी घेतली आहे.