Sharad Pawar : निवडणुकीमध्ये हरलेले 4 पवार, जिथे वस्तादाचा डावही ठरला होता फेल!

युगेंद्र पवारांआधी अजितदादांच्या कुटुंबामध्येच दोन जणांना पराभवाचा धक्का बसला होता. काहीच महिन्यांपूर्वी झालेल्या लोकसभा निवडणुकीत बारामतीमध्ये सुप्रिया सुळेंच्या विरोधात अजित पवारांनी त्यांच्या पत्नी सुनेत्रा पवार यांना रिंगणात उतरवलं होतं. या निवडणुकीत सुनेत्रा पवारांना पराभव पत्करावा लागला होता.

राजकारणाच्या आखाड्यातले चाणक्य म्हणून ओळखले जाणाऱ्या शरद पवारांनाही निवडणुकीत पराभवाचा धक्का बसला होता. शरद पवारांना फक्त एका मताने निवडणुकीत पराभूत व्हावं लागलं होतं. शरद पवारांचा हा पराभव ते केंद्रीय मंत्री असताना झाला होता. 2004 साली जगातलं सगळ्यात श्रीमंत क्रिकेट बोर्ड असलेल्या बीसीसीआयमध्ये निवडणूक होती, तेव्हा शरद पवार आणि रणबीर सिंह महेंद्र समोरासमोर होते. रणबीर सिंह यांना जगमोहन दालमिया यांचा पाठिंबा होता. जगमोहन दालमिया पडद्याआडून रणनीती आखत होते. या निवडणुकीचा निकाल आला तेव्हा अनेकांना धक्का बसला, कारण राजकारणाचे चाणक्य असलेल्या शरद पवारांचा एका मताने पराभव झाला होता.

2004 साली पराभव झाल्यानंतर एका वर्षात म्हणजेच 2005 साली शरद पवार निवडणूक जिंकून बीसीसीआयचे अध्यक्ष झाले आणि 2008 पर्यंत त्यांनी दोन टर्म अध्यक्षपदाचा कार्यकाळ पूर्ण केला. यानंतर 2010 ते 2012 पर्यंत शरद पवार आयसीसीचे अध्यक्षही होते.