शेतकऱ्यानं जीवन संपवलं; लेकीचं मुख्यमंत्र्यांना भावनिक पत्र, 'सर देवाचा नंबर द्या..'

किरण खोडके असं या मुलीचं नाव आहे. तिने आपल्या बाबांना परत बोलवण्यासाठी देवाघरचा नंबर देण्याची विनंती मुख्यमंत्र्यांना केली आहे. 'सर, तुमचा दसरा चांगला गेला, तुमची दिवाळी पण चांगली जाणार. आमच्या घरी दसरा नाही, दिवाळी नाही. आई रडत असते.

सारखी म्हणते मालाला भाव असते तर तुझा बाबा मेला नसता. वावरात सोयाबीन कमी झालं. आई न बाबाचं भांडण झालं, आणि आमचा बाबा पुन्हा आला नाही. आजीला विचारलं तर ती म्हणते देवाघरी गेला. सर देवाचं घर कुठं आहे. त्याचा नंबर द्या आणि माझ्या बाबांना पाठवा लवकर, दिवाळी येणार आहे, आमच्या घरी दोन दीदी मी आणि दादा आहोत, रोज बाबाची वाट पाहतो, पण ते येत नाहीत. मग आम्हाला दिवाळीला बाजारात कोण नेईल, कपडे कोण घेईलं?' असं या चिमुकलीनं आपल्या पात्रात म्हटलं आहे. हे पत्र सध्या सोशल मीडियावर चांगलंच व्हायरल होत आहे.