बायको आणि लेकीच्या मृतदेहावर डोकं ठेवून दिलीप फक्त रडत होते, बुलडाण्यातली हृदयद्रावक घटना

धडक इतकी भीषण होती की, शीतल बोंबाटकर आणि मुलगी श्रावणी यांचा जागीच मृत्यू झाला. ट्रकची जेव्हा धडक बसली तेव्हा शीतल बोंबाटकर आणि मुलगी श्रावणी ही खाली फेकले गेले आणि ट्रकच्या चाकाखाली सापडले. त्यामुळे मायलेकीचा जागेवरच मृत्यू झाला. घटनास्थळावरचं दृश्य हे भयानक होतं. ट्रकने काही अंतर दुचाकीला फरफटत नेलं होतं. त्यामुळे मृतदेहांची अवस्था भीषण अशी झाली होती. रस्त्यावर काही अंतरापर्यंत मांसाचे तुकडे हे चिटकलेले होते. तर या अपघातात दिलीप बोंबाटकर गंभीर जखमी झाले आहे. त्यांच्यावर नांदुरा येथील रुग्णालयात प्राथमिक उपचार सुरू आहेत.

अपघातानंतर संबंधित ट्रकचालक घटनास्थळावरून फरार झाला. या घटनेची माहिती मिळताच पोलिसांनी तात्काळ घटनास्थळी धाव घेतली. पोलिसांनी घटनास्थळाचा पंचनामा करून मृतदेह शवविच्छेदनासाठी रुग्णालयात पाठवले आहेत. तसंच अज्ञात ट्रक आणि चालकाचा शोध घेण्यासाठी तपास सुरू करण्यात आला आहे.