'शिकलेला असून नोकरी लागत नाही' मनोरुग्ण तरुणाकडून भाजप मंत्री अतुल सावेंच्या कार दगडफेक!

'सदरील व्यक्ती ही मनोरुग्ण आहे. उपचारासाठी त्याने पैसे मागितले होते, अतुल सावे हे मदत करतही असतात. साहेबांनी एक महिन्यांच्या गोळ्या द्या, असं सांगितलं. तो ऑफिसच्या बाहेर गेला आणि त्याने गाडीवर दगड मारला. अतुल सावे यांनी पोलिसांकडे कोणतीही तक्रार वैगेरे केली नाही. पोलीस पुढे तपास करतील, अशी माहिती अतुल सावे यांचा पीए योगेश जाधव यांनी दिली.

'अतुल सावे हे आपल्या जनसंपर्क कार्यालयात होते. सकाळी सव्वा अकराच्या सुमारास, गणेश सखाराम शेजुळ हा सावे यांच्या कार्यालयात नेहमी येत जात होता. २०१० पासून त्याच्यावर मनोरुग्णाचे उपचार सुरू आहे. अतुल सावे यांच्याकडून वेळोवेळी मदतही झाली आहे. पण अचानक आज त्याने सावे यांच्या कारवर दगडफेक केली. अचानक त्याने येऊन दगडफेक केली नाही.  गाडीच्या काचेला तडा गेले कायदेशीर प्रक्रिया पूर्ण करून आम्ही अधिक तपास करत आहोत असं पोलीस उपायुक्त प्रशांत स्वामी यांनी सांगितलं.