धक्कादायक! एटीएममध्ये पैसे भरण्यासाठी आले अन् 65 लाख लांबवले, जळगावात खळबळ

जळगाव, नितीन नांदूरकर : जळगावमधून एक धक्कादायक घटना समोर आली आहे. एटीएममध्ये पैसे भरणा करण्यासाठी आलेल्या तीन जणांनी तब्बल 65 लाख रुपये लांबवल्याची घटना समोर आली आहे. या घटनेनं खळबळ उडाली आहे. प्रकार लक्षात आल्यानंतर चाळीसगाव शहर पोलिसांनी या प्रकरणात तीन जणांना अटक केली आहे. अटक करण्यात आलेल्या संशयीतांकडून वीस लाखांची रोकड जप्त करण्यात आली आहे. घटनेबाबत अधिक तपास सुरू असल्याची माहिती पोलिसांकडून देण्यात आली.