Jalgaon News : खेळताना लोखंडी सळी छातीत घुसून चिमुकल्याचा मृत्यू, दिवाळीत कुुटुंबावर दु:खाचा डोंगर

जळगाव, 14 नोव्हेंबर, नितीन नांदूरकर : जिल्ह्यातून एक धक्कादायक घटना समोर आली आहे. ऐन सणासुदिच्या काळात घडलेल्या या घटनेमुळं हळहळ व्यक्त होत आहे. गटारीच्या बांधकामाची उघडी असलेली लोखंडी सळी छातीत घुसून एका बारा वर्षीय मुलाचा मृत्यू झाला आहे. विशाल रवींद्र भिल असं या मुलाचं नाव आहे. गटारीचं बांधकाम सुरू असलेल्या ठिकाणी हा मुलगा खेळत होता. खेळत असताना खाली पडल्यामुळे सळी छातीत घुसली, यातच त्याचा मृत्यू झाला. चिमुकल्याच्या मृत्यूनं कुटुंबावर दु:खाचा डोंगर कोसळला आहे. ठेकेदाराच्या हलगर्जीपणामुळे ही घटना घडल्याचा आरोप स्थानिकांनी केला आहे.