Eknath Khadse : अजित पवारांनी विचारलं, मिटकरींचा फोन आला पण...; एकनाथ खडसे यांचा गौप्यस्फोट

नितीन नांदुरकर, जळगाव, 25 सप्टेंबर : एकनाथ खडसे हे आमच्यासोबत येण्यास आग्रही असून ते अजित पवार यांना बोलले असल्याचं वक्तव्य मंत्री गिरीश महाजन यांनी केलं होतं. या वक्तव्याला आता राष्ट्रवादीच्या शरद पवार गटातील आमदार एकनाथ खडसे यांनी प्रत्युत्तर दिलं आहे. मी शरद पवारांचा पक्का शिलेदार आहे. मी अजित पवारांसोबत नाही. मला अजित पवारांनी विचारलं होतं. मला मिटकरी यांचा फोन आलेला पण मी स्पष्ट शब्दात सांगितले कुठल्याही परिस्थितीत आम्ही पवार साहेबांची साथ सोडणार नाही असा गौप्यस्फोट राष्ट्रवादी काँग्रेस शरद पवार गटातील आमदार एकनाथ खडसे यांनी केला आहे.