पांढऱ्या सोन्याचे भाव गडगडले, शेतकऱ्यांना बसला मोठा फटका; नेमकं काय कारण

नितीन नांदुरकर, मुक्ताईनगर : कापूस उत्पादक शेतकऱ्यांना गेल्या वर्षीच्या तुलनेत मोठा फटका बसण्याची शक्यता आहे. आधीच पिकाचे उथ्पादन कमी आणि त्यात दरही घसरल्याने शेतकरी हवालदील झाले आहेत. गेल्या वर्षी जानेवारीत कापसाला प्रतिक्विंटल ८ हजार ५०० रुपये दर मिळाला होता. यंदा ६ हजार ७०० रुपये प्रतिक्विंटल भाव मिळत आहे. गेल्या जानेवारीच्या तुलनेत तब्बल १८०० रुपयांची तूट कापसाच्या दरात आली आहे. नगदी पीक म्हणून ओळख असलेल्या कापसाच्या दरातील घसरणीमुळे शेतकऱ्यांना कर्जाच्या ओझ्याखाली जात आहे.