advertisement

गोळीबारात भाजपच्या माजी नगरसेवकाचा मृत्यू; पोलिसांकडून गुन्ह्यातील कार, शस्त्रे जप्त

Last Updated:

अज्ञात हल्लेखोरांनी गुरुवारी सायंकाळच्या सुमारास पांढऱ्या कारमध्ये येऊन महेंद्र मोरे यांच्यावर हल्ला कोला होता, या घटनेत त्यांचा मृत्यू झाला आहे.

News18
News18
जळगाव, शरद जाधव, प्रतिनिधी : गुरुवारी भाजपचे माजी नगरसेवक महिंद्र उर्फ बाळू मोरे यांच्यावर अज्ञात व्यक्तींकडून गोळीबार करण्यात आला होता. आज उपचारादरम्यान पहाटे त्यांचं निधन झालं आहे. यामुळे राजकीय वर्तुळात खळबळ उडाली आहे. महिंद्र मोरे यांच्यावर चाळीसगावमध्ये सिंधी कॉलनी परिसरात असलेल्या त्यांच्या कार्यालयामध्ये हल्ला करण्यात आला होता. या हल्ल्यात ते गंभीर जखमी झाले होते.
अज्ञात हल्लेखोरांनी गुरुवारी सायंकाळच्या सुमारास पांढऱ्या कारमध्ये येऊन त्यांच्यावर हल्ला केला. या घटनेनं चाळीसगावसह परिसरात एकच खळबळ उडाली होती. आज पहाटे उपचारादरम्यान त्यांचा मृत्यू झाला आहे. पोलिसांनी तपासचक्र फिरवत कन्नड तालुक्यातील सायगाव येथून गुन्ह्यात वापरलेली कार, जिवंत काडतूसे आणि कोयते जप्त केले आहेत. मात्र अद्यापही हल्लेखोरांचा शोध लागलेला नाहीये.
तालुक्यातील सर्व लॉजची पोलिसांनी झाडाझडती घेतली मात्र हल्लेखोर कुठेच मिळून आले नाहीत. त्यामुळे आता हल्लेखोरांच्या शोधासाठी पोलिसांनी पथकांची नियुक्ती केली आहे. हल्लेखोरांचा शोध सुरू असल्याची माहिती पोलिसांकडून देण्यात आली. बाळू मोरे यांची हत्या पूर्व वैमानस्यातून झाली असावी असा संशय आहे, त्या पार्श्वभूमीवर आता पोलिसांनी तपास सुरू केला आहे.
advertisement
दरम्यान चाळीसगावमधील स्टेशनरोड भागात बाळू मोरे यांचं वास्तव्य होतं. आनंदवाडी, सिंधी कॉलनी परिसरातून ते अपक्ष तसंच भाजपच्या तिकिटावरही नगरसेवक म्हणून विजयी झाले होते. त्यांच्यावर गोळीबार का झाला ? हे अद्याप समोर आलेलं नाही. या प्रकरणात जे सीसीटीव्ही फुटेज हाती लागलं आहे, त्याच्या आधारे तपास सुरू असल्याची माहिती पोलिसांकडून देण्यात आली आहे.
advertisement
दोन माजी नगरसेवकांचा मृत्यू  
राजकीय पदाधिकाऱ्यांवर मागील आठवडाभरात गोळीबाराच्या 3 घटना घडल्या आहेत. उल्हासनगर, चाळीसगाव आणि दहीसरमध्ये या घटना घडल्या. या तीन घटनेत दोन माजी नगरसेवकांचा मृत्यू झाला आहे. दहीसर गोळीबारामध्ये अभिषेक घोसाळकर यांचा मृत्यू झाला, तर आज महेंद्र मोरे यांचा देखील मृत्यू झाला आहे.
view comments
मराठी बातम्या/महाराष्ट्र/जळगाव/
गोळीबारात भाजपच्या माजी नगरसेवकाचा मृत्यू; पोलिसांकडून गुन्ह्यातील कार, शस्त्रे जप्त
Next Article
advertisement
महाराष्ट्राच्या राजकारणात Deputy Chief Minister इतके पावरफुल का? संविधानात अधिकार शून्य, पण पॉवर अफाट; उपमुख्यमंत्री का ठरतो किंगमेकर!
राज्यात उपमुख्यमंत्री इतके पावरफुल का? संविधानात अधिकार शून्य, पण पॉवर अफाट
  • उपमुख्यमंत्री पण मुख्यमंत्र्यांचा तोडीस तोड

  • 'डेप्युटी सीएम' पदाची खरी ताकद नेमकी कशात

  • 'उपमुख्यमंत्री' पदाबद्दल काय सांगतं भारताचं संविधान

View All
advertisement