Ajit Pawar : भाषण सुरू असताना एका 'बहिणी'चा राडा, अजितदादाही थांबले, पोलिसांनी केली एंट्री

जळगाव, (नितीन नांदूरकर, प्रतिनिधी) : विधानसभा निवडणूक काही दिवसांवर येऊन ठेपली असल्याने प्रत्येक पक्षाकडून मोर्चेबांधणी करत आहे. राजकीय नेते राज्यभर प्रचारयात्रा आणि दौरे करत आहेत. मात्र, यावेळी महाराष्ट्रातील परिस्थिती फार वेगळी असल्याचे पाहायला मिळत आहे. राजकीय नेत्यांना लोकांच्या रोषाला सामोरे जावे लागत आहे. अनेक ठिकाणी मराठा समाजाच्या तरुणांनी राजकीय नेत्यांना जाब विचारला. असाच अनुभव उपमुख्यमंत्री अजित पवार यांना देखील आला. अजित पवार यांच्या राष्ट्रवादी काँग्रेसची जनसन्मान यात्रा आज जळगाव दौऱ्यावर होती. यावेळी एका महिलेने सभेत गोंधळ घालत अजितदादांसमोर आपलं गाऱ्हाणं मांडलं. अजित पवार यांनी या घटनेची दखल घेत लगेच कारवाईचे आदेश दिले आहेत.