Jalgaon Gnaesh Visarjan : विसर्जन मिळवणुकीत नाचत असतानाच हृदयाचा ठोका थांबला, जळगावमधील घटनेने उत्सवाला गालबोट

कानळदा गावात सार्वजनिक गणेश मंडळाच्या वतीने सात दिवसांच्या गणरायाची स्थापना करण्यात आली होती. काल (सोमवारी) सात दिवस पूर्ण झाल्यानंतर बाप्पाला अखेरचा निरोप देण्यासाठी बँडच्या तालावर वाजत गाजत भव्य अशी मिरवणूक काढण्यात आली. या मिरवणुकीत नृत्य करत असताना जितेंद्र बाविस्कर हा तरुण अचानक जमिनीवर कोसळला. त्याला तातडीने रुग्णालयात दाखल केला असता डॉक्टरांनी मृत घोषित केलं.

अडीच दिवसांच्या गणेश विसर्जनादरम्यान सूर्या नदीपात्रात उतरलेल्या आदिवासी युवकाचा बुडून मृत्यू झाल्याची घटना समोर आली आहे. चिल्हार बोईसर रस्त्यावरील गुंदले गावच्या हद्दीतील गरवाशेत भागातील सूर्या नदी पात्रात गुरुवारी सायंकाळी विसर्जन सुरू असताना ही घटना घडली आहे. साहिल दिनेश उंबरसाडा (वय 18) असे मृताचे नाव आहे. यावेळी मृतदेह पाण्याच्या प्रवाहात वाहून गेला असून त्याचा शोध सुरू असल्याचे प्रशासनाकडून सांगण्यात आले. दरम्यान नदीपात्रालगतच्या गावांच्या हद्दीत त्याचा मृतदेह आढळून आल्यास पोलिस अधिकाऱ्यांना माहिती देण्याचे आवाहन बोईसर पोलिसांनी केले आहे.