Bhusawal News : खोदकाम सुरू असताना विहीर कोसळली; भुसावळमध्ये मोठा अपघात

भुसावळ, इम्तियाज अहमद, प्रतिनिधी : विहिरीचे खोदकाम सुरू असताना मातीचा काही भाग खचला. या घटनेत खोदकाम करणार मजूर तब्बल तीस ते चाळीस फूट खोल विहिरीत मातीच्या ढिगाऱ्याखाली अडकल्याची घटना घडली. दरम्यान घटनेची माहिती मिळताच भुसावळ पालिकेच्या अग्निशमन दलानं तातडीनं घटनास्थळी धाव घेतली. तीन तासांच्या अथक प्रयत्नानंतर या मजुराला सुखरूप बाहेर काढण्यात यश आलं आहे. अग्निशमन दलाच्या प्रयत्नामुळे या मजुराचे प्राण वाचले आहेत. वरणगाव रोडवरील लकीबानगर परिसरात ही घटना घडली आहे. शशिकांत श्रीकांत तायडे असे या मजुराचं नाव आहे.