शहीद नितीन पाटील यांच्यावर शासकीय इतमामात अंत्यसंस्कार; लेकीने दिला अग्नी

यावेळी गावातील तरुणांनी पाचशे मीटर लांबीचा तिरंगा ध्वज फडकावत नितीन पाटील यांना अखेरचा निरोप दिला. अंत्ययात्रा निघाल्यानंतर वीर जवान अमर रहेच्या घोषणा देण्यात आल्या.  तसेच महिलांनी आपल्या घरासमोर रांगोळ्या काढून या वीर जवानाला निरोप दिला. याप्रसंगी गावातील तसेच पंचक्रोशीतील ग्रामस्थांनी मोठ्या संख्येनं गर्दी केली होती.

अंत्यविधीसाठी युनिट २८६ मिडीयम रेजिमेंट कारगिल गनर्स सोबत नायब सुभेदार मुलानी रहीम, बीएचएम चंद्रशेखर काळे, हवालदार विनोद पाटील, स्टेशन हेडकॉटर भुसावळतर्फे हवालदार महेशकुमार नायक, भूषण पाटील, जिल्हा सैनिक कल्याण कार्यालय जळगावचे नितीन पाटील, रतिलाल महाजन, लक्ष्मण मनोरे या अधिकाऱ्यांनी तसेच पोलिस दलातर्फे हवेत तीन फायरी झाडून मानवंदना दिली.