मंत्री गुलाबराव पाटील यांच्यावर कोसळला दु:खाचा डोंगर, आईनंतर भावाचेही निधन

नितीन नांदुरकर, जळगाव, 08 नोव्हेंबर : मंत्री गुलाबराव पाटील यांच्या मातोश्रींचे काही दिवसांपूर्वी निधन झाले होते. त्या दुःखातून सावरण्याआधी भावाचेही निधन झाल्याने मंत्री गुलाबराव पाटील यांच्यासह परिवारावर दुःखाचा डोंगर कोसळला आहे. लहान बंधू कैलास रघुनाथ पाटील यांचे आज सकाळी अल्पशा आजाराने दुःखद निधन झाले. ते ५१ वर्षांचे होते. त्यांची अंत्ययात्रा आज दुपारी 12 वाजता मूळ गाव धरणगाव तालुक्यातील पाळधी येथून निघणार आहेत.