Rohit Pawar : 'आम्हाला पटत नाही...'; राज ठाकरेंच्या दिल्ली दौऱ्यावर रोहित पवारांची पहिली प्रतिक्रिया

पुढे बोलताना रोहित पवार म्हणाले की, 'मी असं आवाहन केलं होतं की, 2019 ला राज ठाकरे साहेबांनी जी भाषणं केली होती ती, शेतकर्‍यांच्या, कष्टकऱ्यांच्या आणि युवा पिढीच्या बाजुनं होती. बेरोजगारीचा प्रश्न 2019 ला जेवढा अडचणीचा होता, त्यापेक्षा अधिक तो आज अडचणीचा झाला आहे. 2019 ला ते भाजपाच्या विरोधात आणि तरुण पिढीच्या बाजूनं बोलले होते. तर आमची अपेक्षा आहे की, सध्या बेरोजगारीचा प्रश्न आणखी गंभीर झाला आहे, त्यामुळे राज ठाकरे यांनी युवकांची भूमिका घेऊन त्यांच्या बाजुनं उभं राहत भाजपच्या विरोधात लढलं तर ते जास्त योग्य ठरू शकतं. '

'राज ठाकरे यांनी नेहमी मराठी अस्मिता जपलीआहे. मात्र भाजपाचं सरकार जेव्हा केंद्रात आलं तेव्हापासून महारष्ट्राचं महत्त्व कमी करून गुजरातचं महत्त्व वाढवण्याचं काम सुरू आहे.   स्वाभिमानी मराठी माणूस म्हणून आम्हाला ते पटत नाही' असंही यावेळी रोहित पवार यांनी म्हटलं आहे.