Bhusawal News : रेल्वेत जागा न मिळाल्यानं माथेफिरूचं धक्कादायक कृत्य; मोठा अपघात टळला!

घटनेबाबत अधिक माहिती अशी की, पवन कुमार वय (२६)  हा कर्नाटक एक्सप्रेसच्या दिव्यांगांसाठी असलेल्या डब्यातून प्रवास करत होता. मात्र त्याला तिथे जागा मिळाली नाही,  जागा न मिळाल्याचा राग आल्यानं त्याने धावत्या गाडीतून अपच्या दिशेने येणाऱ्या पुष्पक एक्स्प्रेसच्या इंजिनावर लहान मुलाचा पाळणा फेकला. या प्रकारामुळे मोठा अपघात घडू शकला असता, मात्र सुदैवानं अपघात टळला आहे. भुसावळ आरपीएफने या माथेफिरूला अटक केली आहे. ही घटना चाळीसगाव ते मनमाड दरम्यान घडली.

एक्स्प्रेसच्या इंजिनवर कोणीतरी काहीतरी  वस्तू फेकल्याचे लोको पायलटच्या लक्षात आलं. त्यानंतर पुष्पकच्या पायलेटने भुसावळ येथे संपर्क साधला. पायलटने दिलेल्या माहितीनंतर पोलिसांनी रेल्वे भुसावळमध्ये दाखल झाल्यानंतर आरोपीला ताब्यात घेतलं.