मोठी बातमी! जळगावात तुफान दगडफेक, जोरदार राडा; पोलीस बंदोबस्त वाढवला

जळगाव, इम्जियाज अहमद, प्रतिनिधी : जिल्ह्यातून मोठी बातमी समोर आली आहे. किरकोळ कारणातून दगडफेक करण्यात आली आहे.  रावेर तालुक्यातील चिनावल गावात हा धक्कादायक प्रकार घडला आहे. दरम्यान हल्लेखोरांनी वीजपुरवठा खंडित करून दगडफेक केली. सुदैवानं या घटनेत कोणतीही जीवितहानी झालेली नाही. मात्र वाहनांचं मोठं नुकसान झालं आहे. या घटनेनंतर ग्रामस्थानी पोलिसांकडे धाव घेतली.  पोलीस चौकी समोर ठिय्या मांडत दोषींवर कारवाई करण्याची मागणी केली. या  दगडफेक प्रकरणात सावदा पोलीस स्टेशनला रात्री उशिरापर्यंत गुन्हा दाखल करण्याचे काम सुरू होते.