ST bus accident : मोठी बातमी! जळगावात प्रवाशांनी भरलेल्या एसटीचा भीषण अपघात, बसचा चक्काचूर

जळगाव, इम्जियाज अहमद, प्रतिनिधी : जळगावमधून अपघाताची मोठी बातमी समोर येत आहे. धुळे ते बऱ्हाणपूर बसचा भीषण अपघात घडला आहे. या अपघातामध्ये 10 जण जखमी झाले आहेत, यातील एकाची प्रकृती गंभीर असल्याची माहिती समोर येत आहे. या अपघातामध्ये जखमी झालेल्या व्यक्तींना स्थानिकांच्या मदतीनं तातडीनं रुग्णालयात दाखल करण्यात आलं आहे. या बसमध्ये एकूण 49 प्रवासी होते, भरधाव ट्रकनं बसला कट मारल्यामुळे हा अपघात घडला आहे.