जालन्यात याठिकाणी झाडांचा वाढदिवस साजरा करण्याची परंपरा, 8 वर्षांपासून तोच उत्साह, काय आहे यामागची संकल्पना?

जालना : प्रत्येक जण आपला वाढदिवस विशेष अशा पद्धतीने साजरा करत असतो. हल्ली प्राण्यांचे वाढदिवसही अनेक जण साजरे करतात. त्यात वृक्षांचा वाढदिवस साजरा झाल्याचे क्वचितच ऐकायला मिळते. मात्र, जालना शहरातील समाज कल्याण विभागाने झाडांचा आठवा वाढदिवस साजरा केला आहे.

तत्कालीन समाज कल्याण आयुक्त बलभीम शिंदे यांच्या पुढाकाराने आयुक्तालय परिसरात 3 हजार झाडांची लागवड करण्यात आली होती. या झाडांची निगा राखता यावी व त्यांच्या वाढीचा आनंद लुटता यावा, म्हणून वाढदिवसाची संकल्पना पुढे आली. मागील 8 वर्षांपासून दरवर्षी या झाडांचा वाढदिवस साजरा होत आहे. यावर्षी जिल्हाधिकारी डॉ. श्रीकृष्ण पांचाळ यांच्या हस्ते केक कापून उत्साहात झाडांचा वाढदिवस साजरा करण्यात आला. यामागची संकल्पना नेमकी काय होती, हे जाणून घेऊयात.

त्यानुसार पहिल्याच वर्षी झाडांचा वाढदिवस साजरा करण्यात आला. यानंतर ही परंपरा मागील 7 वर्षांपासून कायम ठेवण्यात आली असून यंदा आठव्या वर्षीदेखील या 3 हजार वृक्षांचा वाढदिवस धुमधडाक्यात साजरा करण्यात आला. विशेष म्हणजे 2018 मध्ये असलेल्या दुष्काळी परिस्थितीमध्ये झाडे वाचवणे मोठे आव्हान निर्माण झाले होते. मात्र, आयुक्तालयातील कर्मचारी टंकलेखक संतोष आडे यांनी सर्व कर्मचाऱ्यांकडून एक हजार रुपयांपासून ते दहा हजार रुपयांपर्यंत वर्गणी गोळा करून 90 हजार रुपये खर्च होऊन बोअरवेल केला.