hara hachi bu : आयुष्य वाढणार, लठ्ठपणाही दूर होणार; काय आहे 'हारा हाची बु' ही जपानमधील संकल्पना

जालना : दिवसेंदिवस आपल्या जीवनशैलीमध्ये बदल होत आहेत. यामुळे राहणीमान, खानपान, झोपण्याच्या आणि उठण्याच्या सवयी या बाबतीत बरेच बदल होत आहेत. यामुळे आपल्या आरोग्यावर देखील सकारात्मक आणि नकारात्मक असे दोन्ही प्रकारचे परिणाम झाल्याचे पाहायला मिळत आहे.

मात्र, बदललेल्या जीवनशैलीमुळे शारीरिक समस्या जास्त प्रमाणात वाढत आहेत. हल्ली लठ्ठपणा ही समस्या सगळ्यांसाठी चिंतेची बाब बनली आहे. पण असे असताना जपानमधील लोक हारा हाची बू ही संकल्पना अमलात आणून आपण लठ्ठपणा या समस्येवर तोडगा काढू शकतो. ही संकल्पना नेमकी काय आहे, याबाबत आहार सल्लागार डॉ. अमृता कुलकर्णी यांनी माहिती दिली. हारा हाची बू ही जापानी संकल्पना नेमकी काय आहे, हे जाणून घेऊयात.

या संकल्पनेला धरून आयुर्वेदामध्येही एक संकल्पना आहे. या संकल्पनेचे नाव त्रिविक कुक्षी विभाग आहे. या संकल्पनेनुसार आपण आपल्या पोटाचे तीन भाग करायचे आहेत. त्यामध्ये एका भागात स्थूल पदार्थ म्हणजे जेवण, दुसऱ्या भागात द्रव पदार्थ म्हणजेच पेय पदार्थ, तर तिसरा भाग हा रिकामा ठेवायचा आहे. यानुसार जर आपण आहार पद्धती ठेवली तर जापानी संकल्पनेप्रमाणे आपण दीर्घायु तसेच पोटाच्या विकारांपासून मुक्त जीवन जगू शकतो.