Kalyan Fraud Company : सहा हजार रूपये मिळाले तरीही काढता येईना, कंपनीने कल्याण- डोंबिवलीकरांना कसा घातला लाखोंचा गंडा

गेल्या काही दिवसांपूर्वी दादरमध्ये 'टोरेस' कंपनीने अनेक सामान्य नागरिकांना लाखोंचा गंडा घातला. ही बातमी ताजी असतानाच आता कल्याणमध्ये एका कंपनीने सामान्य नागरिकांना गंडा घातला आहे. कल्याणमध्ये, 'ज्यू पीडिया' नावाची एक कंपनी आहे, जी कंपनी सामान्य नागरिकांना आकर्षक मोबदला आणि मोठ्या नफा देते. आकर्षक मोबदला आणि मोठ्या नफ्याचे आमिष दाखवून कंपनीने अनेक गरजू लोकांना आपल्या जाळ्यात ओढले. जर ग्राहकांनी, कंपनीने दिलेले ऑनलाईन टास्क पूर्ण केले तर त्यांना प्रचंड कमाई मिळेल, असे खोटे आश्वासन देत लोकांकडून मोठ्या प्रमाणात गुंतवणूक करून घेतली.