Dombivali: दिवाळीच्या तोंडावर KDMC अधिकारी गाढझोपेत, गावांमध्ये पाणीच नाही! मनसेने घातला खुर्चीला चपलेचा हार

Kalyan Dombivali News : प्रदीप भांगे, प्रतिनिधी, कल्याण-डोंबिवली : दिवाळी अवघ्या बोटावर मोजण्या इतक्या दिवसांवर उरली आहे.त्यामुळे कल्याण डोंबिवली परिसरातील गृहिणींनी फराळ बनवण्यास सूरूवात केली आहे.पण ऐन सणासुदीच्या दिवसांवर गृहिणींना पाण्याच्या समस्येला सामोरे जावे लागते आहे. कमी दाबाने,अनियमित आणि अपुरा पाणीपुरवठ्यामुळे महिला प्रचंड त्रस्त आहेत. या प्रसंगी तक्रार करूनही आश्वासनापलिकडे काहीच न मिळाल्याने आज अखेर मनसेने केडीएमसीटं कार्यालय गाठून राडा केला आहे. मनसेच्या पदाधिकाऱ्यांनी यावेळी केडीएमसीचं कार्यालय गाठून पाणी पुरवठा विभागाच्या अधिकाऱ्याच्या खुर्चीला ‘चपलेचा हार’ घातला आहे. यासोबत अधिकाऱ्याला थेट अल्टिमेटम दिला आहे.