मोबाईल नंबर चुकला, अन् खात्यात आले एक लाख... लक्षात येताच कोल्हापूरच्या रिक्षावाल्याने काय केलं?

कोल्हापूर : चुकून खात्यामध्ये आलेले एक लाख रुपये रिक्षाचालकाने त्याच्या मूळ खातेदाराला परत केले आहेत. कोल्हापूरच्या या रिक्षाचालकाच्या प्रामाणिकपणाचं कौतुक करण्यात येत आहे. कोल्हापूरच्या राजेंद्रनगर भागात राहणाऱ्या लक्ष्मण दयाप्पा शिंदे (वय 45) यांनी मोबाईल नंबरमध्ये साधर्म्य असल्यामुळे एक लाख रुपयांचं युपीआय पेमेंट वेगळ्याच मोबाईल नंबरवर केलं. हा मोबाईल नंबर रिक्षाचालक असलेल्या लहू अभिमान कांबळे यांचा होता, त्यामुळे त्यांच्या खात्यात एक लाख रुपयांची ही रक्कम जमा झाली.