छत्रपती शिवाजी महाराजांचा अवमान करणाऱ्या कोरटकरला Royal ट्रिटमेंट, थाटात फेअरवेल

छत्रपती शिवाजी महाराजांबाबत वादग्रस्त वक्तव्य आणि इंद्रजित सावंतांना धमकी दिल्या प्रकरणी कोरटकरवर 25 फेब्रुवारीला गुन्हा दाखल झाला होता, त्यानंतर 25 मार्चला त्याला अटक करण्यात आली होती. दरम्यान कोरटकरची सुटका करण्यासाठी बंदी असलेल्या काळ्या फिल्मिंग असलेल्या कारचा वापर करण्यात आला. कोरटकरला सोडण्यासाठी कोल्हापूर पोलिसांकडून MH-08-AN-6776 या फिल्मींग कारचा वापर करण्यात आला. त्यामुळे कोल्हापूरकरांच्या मनामध्ये संतापाची लाट निर्माण झाली. इतकेच नव्हे तर या संपूर्ण प्रकाराविरोधात कोल्हापूर पोलीस अधीक्षक आणि प्रादेशिक परिवहन अधिकारी यांच्याकडे तक्रार करण्यात आली आहे. प्रजासत्ताक सेवा संस्थेचे दिलीप देसाई यांनी या संदर्भातील नाराजी मेलने व्यक्त करत संबंधित कारचा फोटोही निर्दशनास आणून दिला आहे.