Kolhapur News: कोल्हापूर हादरलं! भाजी चिरण्यावरून वाद, मित्राला जागेवरच संपवलं, नेमकं काय घडलं?

कोल्हापूर: किरकोळ कारणातून टोकाचे पाऊल उचलण्याचे प्रकार सध्या वाढले आहेत. अशीच काहीशी घटना कोल्हापुरात घडलीये. दारू पिऊन एकत्र जेवण बनवताना भाजी चिरण्यावरून किरकोळ वाद झाला आणि मित्रानेच चाकू भोकसून एकाला संपवलं. मंगल मांझे असे 35 वर्षीय मृताचे नाव असून तो मूळचा ओडिसाचा आहे. शिरोली एमआयडीसीतील घटनास्थळावरून हल्लेखोर देवश्री प्रफुल्ल चंदन याला पोलिसांनी अटक केली असून पुढील कारवाई सुरू आहे.