Latur News : लातूरमध्ये भीषण अपघात; बसची स्कुटीला धडक, तरुणीचा मृत्यू

घटनेबाबत अधिक माहिती अशी की, दोन तरुणी स्कुटीवरून महाविद्यालयात निघाल्या होत्या. याचदरम्यान त्यांच्या स्कुटीला बसने धडक दिली. हा अपघात इतका भीषण होता की या घटनेत एका तरुणीचा जागीच मृत्यू झाला तर दुसरी तरुणी गंभीर जखमी झाली आहे. जखमी तरुणीला स्थानिकांच्या मदतीनं रुग्णालयात दाखल करण्यात आलं आहे. बार्शी रोडवर असलेल्या जुन्या होंडा शोरुमसमोर हा अपघात झाला आहे. अपघाताची माहिती मिळताच पोलीस घटनास्थळी दाखल झाले, घटनेबाबत अधिक तपास सुरू असल्याची माहिती पोलिसांकडून देण्यात आली आहे.