Trending:

MHADA Lottery 2025 : म्हाडाकडून 5,285 घरांची लॉटरी, अर्ज करण्यासाठी 15 दिवसांची मुदत वाढवली, शेवटची तारीख काय?

Published by:Tanvi
local18

Last Updated:August 12, 2025 7:58 AM IST

MHADA Lottery 2025: म्हाडाच्या कोकण मंडळातील 5,285 घरांसाठी अर्जाची मुदत 15 दिवसांनी वाढवली आहे. इच्छुकांना 28 ऑगस्टपर्यंत ऑनलाईन अर्ज आणि 29 ऑगस्टपर्यंत अनामत रक्कम भरण्याची संधी मिळणार आहे.

इम्पॅक्ट शॉटतुमचा गेटवे लेटेस्ट न्यूज

मुंबई : महाराष्ट्र गृहविकास प्राधिकरणाने अर्थात म्हाडाने कोकण मंडळाच्या 5,285 घरांच्या सोडतीला आणि सिंधुदुर्ग जिल्ह्यातील ओरोस, कुळगाव-बदलापूर येथील साधारण 77 भूखंडांच्या विक्रीसाठी मुदतवाढ जाहीर केलेली आहे. यामुळे इच्छुक उमेदवार आता 28ऑगस्टपर्यंत ऑनलाईन अर्ज करू शकतील शिवाय 29 ऑगस्टपर्यंत अनामत रक्कम भरणे शक्य राहील. यापूर्वी 3 सप्टेंबर रोजी होणारी संगणकीय सोडत आता 18 सप्टेंबर रोजी सकाळी १० वाजता ठाण्यातील डॉ. काशीनाथ घाणेकर नाट्यगृहात पार पडणार आहे.

म्हाडाच्या कोकण मंडळाच्या या घरांच्या सोडतीमध्ये ठाणे, डोंबिवली, कल्याण, टिटवाळा आणि नवी मुंबई अशा विविध भागांतील घरांचा समावेश आहे. या घरांच्या किमती 9.50 लाखांपासून सुरू होऊन 85 लाखांपर्यंत आहेत. सिंधुदुर्ग जिल्ह्यातील ओरोस, कुळगाव-बदलापूर या भागातील 77 भूखंडदेखील यावेळी विक्रीसाठी उपलब्ध आहेत.

मुदतवाढ दिल्यामुळे या घरांच्या सोडतीत अर्ज करणाऱ्यांची संख्या वाढेल, असा पूर्ण विश्वास म्हाडाचे अधिकाऱ्यांनी व्यक्त केलेला आहे. गेल्या सोमवारी सायंकाळपर्यंत 5,285 घरांसाठी एकूण 67,539 अर्ज प्राप्त झाले आहेत, त्यापैकी 40,998 जणांनी अनामत रक्कमही भरली आहे.

या सोडतीत सहभागी होण्यासाठी इच्छुकांनी ऑनलाईन अर्ज प्रक्रिया पूर्ण करणे आवश्यक आहे. अर्ज करणाऱ्यांनी अनामत रक्कम वेळेत भरणे देखील गरजेचे आहे, कारण संगणकीय सोडतीत फक्त ते अर्जदार सहभागी होऊ शकतील ज्यांनी आपली अनामत रक्कम भरली आहे.

म्हाडा ही प्रक्रिया पारदर्शक आणि सर्वसामान्यांसाठी सोपी करण्याचा प्रयत्न करत असून, घर खरेदीच्या संधी वाढविण्यासाठी वेळेची मुदतवाढ करण्यात आली आहे. घरांची उपलब्धता आणि विविध किंमतीमुळे सर्व प्रकारच्या आर्थिक स्थितीच्या लोकांना या संधीचा लाभ घेता येईल.

या सोडतीत घर खरेदी करणार्‍यांना त्यांच्या कागदपत्रांची पूर्ण तयारी ठेवणे अत्यंत आवश्यक आहे, जेणेकरून संगणकीय सोडतीत सहज सहभाग नोंदवता येईल. मुदतवाढीमुळे अधिकाधिक लोकांना आपले स्वप्नातील घर मिळण्याची संधी निर्माण होईल, अशी अपेक्षा म्हाडाने व्यक्त केली आहे.

ठाण्यात या घरांच्या सोडतीचा कार्यक्रम पार पडणार असून, त्यासाठी सर्व आवश्यक तयारी पूर्ण झाली आहे. इच्छुक अर्जदारांनी वेळेत अर्ज करून संधीचा लाभ घ्यावा, अशी आवाहन म्हाडाकडून करण्यात आली आहे. यामुळे मुंबई आणि आसपासच्या भागातील अनेकांसाठी स्वस्त दरात आणि चांगल्या लोकेशनवर घर खरेदी करण्याची सुवर्णसंधी उपलब्ध होत आहे, जी त्यांचे गृहस्वप्न पूर्ण करण्यासाठी महत्त्वाची ठरेल.

view comments