Maharashtra Winter Session: भाजपच्या गुगलीने मविआची विकेट पडणार? विरोधी पक्षनेते पदासाठी दोन सरप्राइजिंग नावं

नागपूर: राज्य विधिमंडळाचे हिवाळी अधिवेशन सुरू झाले असून विरोधी पक्षनेते पदावरून विरोधकांनी आग्रही भूमिका मांडली आहे. महाविकास आघाडीकडून विधानसभेसाठी शिवसेना ठाकरे गटाचे भास्कर जाधव आणि विधान परिषदेसाठी काँग्रेस सतेज पाटील यांच्या नावावर एकमत झाल्याचे दिसून आले आहे. विरोधी पक्षनेते पदासाठी मविआ आक्रमक झाली असताना आता भाजप-महायुतीने गुगली टाकला आहे. भाजपच्या या गुगलीवर महाविकास आघाडीची विकेट पडणार का, अशी चर्चा सुरू झाली आहे. विरोधी पक्षनेते पदासाठी अचानक दोन सरप्राइजिंग नावं समोर आली असून मविआ कसा प्रतिसाद देणार, याकडे राजकीय चर्चांना उधाण आले आहे.