Trending:

Maharashtra Exit Poll 2024 : प्रकाश आंबेडकरांना चूक भोवली, लोकसभेत वंचित फॅक्टर सपशेल फेल?

Published by:Sayali Zarad

Last Updated:June 01, 2024 8:41 PM IST

Maharashtra Exit Poll 2024 : लोकसभा निवडणुकांचं मतदान पार पडलं असून सध्या सर्वांच्या नजरा अंतिम निकालाकडे लागून आहेत. महाराष्टाचं चित्र काय असणार कोण विजयाचा गुलाल उधळणार हे पाहणं महत्त्वाचं ठरणार आहे. अशातच वंचित बहुजन आघाडीचे (VBA) अध्यक्ष प्रकाश आंबेडकरांना लोकसभा निवडणुकीत चूक भोवल्याचं दिसतंय.

मुंबई: लोकसभा निवडणुकांचं मतदान पार पडलं असून सध्या सर्वांच्या नजरा अंतिम निकालाकडे लागून आहेत. महाराष्टाचं चित्र काय असणार कोण विजयाचा गुलाल उधळणार हे पाहणं महत्त्वाचं ठरणार आहे. अशातच वंचित बहुजन आघाडीचे (VBA) अध्यक्ष प्रकाश आंबेडकरांना लोकसभा निवडणुकीत चूक भोवली असून त्यांनी महाविकास आघाडीसोबत युती न करण्याचा निर्णय चुकल्याचा अंदाज समोर आलेल्या एक्जिट पोलवरुन दिसतोय.

प्रकाश आंबेडकर यांनी पहिल्या टप्प्यातील निवडणुकीसाठी अकोल्यातून उमेदवारी जाहीर केली होती. मात्र आता संपूर्ण महाराष्ट्रात वंचित आघाडीला जागा मिळणार नसल्याचा अंदाज वर्तवला जातोय. समोर आलेल्या एक्जिट पोलच्या आकड्यावरुन प्रकाश आंबेडकरांना जागा मिळण अवघड झालंय, असा अंदाज आहे.

Maharashtra Exit Poll Result : भाजपच्या मिशन 45 चं स्वप्न भंगलं, उद्धव ठाकरेंनी लावला सुरुंग?

लोकसभा निवडणुकीसाठी आज सातव्या टप्प्यात मतदान पार पडलं. तर महाराष्ट्रात आधीच 20 मे रोजी 5 टप्प्यांमध्ये मतदान पूर्ण झालं आहे. आज आलेल्या एक्झिट पोलमध्ये महायुतीला सर्वाधिक जागा मिळणार असा अंदाज वर्तवण्यात आला आहे. तर महाविकास आघाडीनेही कडवी झुंज दिली आहे.

महायुतीला 32 ते 35 जागा मिळणार असा अंदाज नेटवर्क 18 च्या सर्व्हेमध्ये वर्तवण्यात आला आहे. तर महाविकास आघाडीला 15 ते 18 जागा मिळतील असा अंदाज वर्तवण्यात आला आहे. पक्षानुसार अंदाज पाहिला तर भाजपला 20-23 जागा मिळतील. तर काँग्रेसला 6/9 जागा मिळतील असा अंदाज वर्तवण्यात आला आहे. तर उद्धव ठाकरे गट आणि शरद पवार यांच्या गटाला सुद्धा याच प्रमाणात जागा मिळणार आहे.