महाराष्ट्रात MIM ला मोठं यश, राज्यात जवळपास १०० उमेदवारांनी गुलाल उधळला, वाचा विजयी नगरसेवकांची यादी

मुंबई : राज्यात अनेक महापालिकांत एमआयएमने मुसंडी मारली आहे. 29 महापालिकांत एमआयएमचे जवळपास ९७ नगरसेवक विजयी झाली आहेत. संभाजीनगरमध्ये सर्वाधिक २४ उमेदवार विजयी झाले आहेत, त्याखालोखाल मालेगावमध्ये एमआयएमचे २० उमेदवार विजयी झाले आहेत. महापालिका निवडणूक प्रचारात पक्षप्रमुख असुदुद्दीन ओवैसी यांची अतिशय आक्रमक भाषणे आणि इम्तियाज जलील यांच्या अभ्यासू भाषणांची भुरळ संबंधित भागातील मतदारांना पडल्याने राज्यात एमआयएम उमेदवारांना मोठे यश मिळाल्याचे दिसून येते.