Trending:

Maharashtra Weather : गरब्याच्या उत्साहावर पाणी फेरणार! नवरात्रोत्सवातही पाऊस बरसण्याचा अंदाज

Published by:Shrikant Bhosale

Last Updated:September 21, 2025 10:15 AM IST

Maharashtra Weather Forecast Navratri : मागील काही दिवसांपासून पावसाने दमदार हजेरी लावणारा पाऊस या आठवड्यातही बरसण्याची शक्यता आहे.

इम्पॅक्ट शॉटतुमचा गेटवे लेटेस्ट न्यूज

गरब्याच्या उत्साहावर पाणी फेरणार! नवरात्रोत्सवातही पाऊस बरसण्याची शक्यता

मुंबई: राज्यात सोमवारपासून घटस्थापना होणार असून नवरात्रोत्सवाचाही उत्साह दिसणार आहे. या नवरात्रौत्सवाच्या उत्साहावर पाऊस पाणी फेरणार असल्याची चिन्हे आहेत. मागील काही दिवसांपासून पावसाने दमदार हजेरी लावणारा पाऊस या आठवड्यातही बरसण्याची शक्यता आहे.

राज्यात नवरात्रोत्सवात धो-धो पाऊस बरसणार असल्याचा अंदाज हवामान विभागाने वर्तवला आहे. विशेषतः कोकण, मराठवाडा, मध्य महाराष्ट्रात 26 सप्टेंबरपर्यंत पावसाचा जोर राहणार असल्याचा इशारा हवामान विभागाने दिला आहे. हवामान विभागाने दिलेल्या माहितीनुसार, बंगालच्या उपसागरातील मध्य पूर्व व उत्तर पूर्व भागापासून ते म्यानमार-बांगलादेशच्या किनारपट्टीपर्य कमी दाबाचा पट्टा 25 सप्टेंबर रोजी तयार होणार आहे. त्यामुळेच पावसाचा जोर कायम आणि मुसळधार राहणार आहे. या बदलामुळेच राज्यात पावसाचा जोर वाढला आहे. हा जोर 26 सप्टेंबरपर्यंत कायम राहणार आहे. तळकोकण, मध्य महाराष्ट्र आणि मराठवाड्यात अधिकचा पाऊस राहणार आहे.

शनिवारी (ता. 20) कोकण आणि मध्य महाराष्ट्रात अतिवृष्टी झाली. खोपोली (घाटमाथा), पंढरपूर आणि जालना येथे तब्बल 80 मिलिमीटर पावसाची नोंद करण्यात आली. दरम्यान, अकोला, अमरावती, भंडारा, बुलडाणा, चंद्रपूर, गडचिरोली, नागपूर, वर्धा, वाशिम, यवतमाळ या जिल्ह्यांत आज पावसाचा इशारा देण्यात आला आहे.