'मलबार, सांताक्रूझ आणि पवई...3 घरं असूनही धडधडीत खोटं बोलतोय', करुणा मुंडेंनी धनुभाऊंना उघडं पाडलं

मुंबई : धनंजय मुंडेंचे कृषीमंत्रीपद जाऊन तब्बल पाच महिने उलटले आहेत, तरीही धनंजय मुंडे यांनी सरकारचे 'सातपुडा' हे निवासस्थान रिकामं केलेलं नाही, त्यामुळे पुन्हा ते वादाच्या भोवऱ्यात सापडले आहे. मुंबईत आपल्याला कुठेही घर नसल्यामुळं बंगला सोडला नसल्याचे स्पष्टीकरण त्यांनी आधी माध्यमांशी बोलताना दिलं होतं. मात्र .मुंबईत धनंजय मुंडे यांची एक नाही तर तब्बल तीन घरं आहेत, असा गौप्यस्फोट करूणा शर्मा यांनी केली आहे.

मुंबईत धनंजय मुंडे यांची एक नाही तर तब्बल तीन घरं आहेत. मलबार हिल, पवई आणि सांताक्रुझ येथे एक फ्लॅट आहे. जर धनंजय मुंडेंना मुंबईत घर नसेल तर सांताक्रूझच्या या घरी येऊन राहा.. मी आणि आपली मुले दुसरीकडे भाड्याने राहू, पण सरकारी मालमत्तेचा गैरवापर सोड अशी ऑफर देखील करूणा शर्मा यांनी धनंजय मुंडेंना दिली आङे.

धनंजय मुंडे खोटं बोलत आहे, मुंबईत त्याचे चार फ्लॅट आहे.   धनंजय मुंडेंसाठी 42 लाख रुपयांचा दंड काहीच नाहीये. धनंजय मुंडे पुन्हा कधीही मंत्री होणार नाहीत, त्यांना त्यांचे आमदारपदही गमवावे लागणार आहे, असे देखील करुणा शर्मा म्हणाल्या.