Manoj Jarange Protest: 50 हजार आंदोलक येईपर्यंत तुम्ही काय करत होता? राज्य सरकारला कोर्टाने झाप झापलं; डेडलाईन संपली जरांगे मैदानतच

मुंबई : मराठा आरक्षणासाठी सुरू असलेल्या मनोज जरांगे पाटील (Manoj Jarange Patil) यांच्या आंदोलनासंदर्भात आज (२ सप्टेंबर) पुन्हा एकदा मुंबई उच्च न्यायालयात सुनावणी पार पडली. मुख्य न्यायमूर्ती चंद्रशेखर आणि न्यायमूर्ती आरती साठे यांच्या खंडपीठासमोर ही सुनावणी झाली. मुंबईत निर्माण झालेल्या अस्थिर वातावरणावर तीव्र नाराजी व्यक्त करत, न्यायालयाने दुपारी तीन पर्यंत आझाद मैदान खाली करण्याचे आदेश दिले होते. मात्र डेडलाईन संपल्यानंतर मनोज जरांगे हे अजूनही मैदानात आहे. त्यानंतर हायकोर्टाने संताप व्यक्त करत 24 तासाची परवानगी असून तुम्ही वेळ संपल्यानंतर कोणत्या अधिकाराने मैदानात बसला असा सवाल केला आहे.तसेच वारंवार नियमांचे उल्लंघन होत असल्याचे निरीक्षण देखील न्यायालयाने या वेळी नोंदवले आहे. तुम्ही आधीच कोर्टात यायलं पाहिजे, मोठी चूक केली, असे म्हणत कोर्टाने राज्य सरकारला देखील चांगली खडसावले आहे.