Mumbai Children Hostage: रोहित आर्या एन्काउंटर प्रकरणी धक्कादायक माहिती समोर, अपहरणाबद्दल मोठा खुलासा

रोहित आर्याच्या तावडीतून स्टुडिओमध्ये पोलिसांनी जेव्हा रेस्क्यू ऑपरेशन सुरू केलं होतं. त्याआधी त्याने एक व्हिडीओ शेअर केला होता. त्याला पैसे नको होते. फक्त त्याला त्याच्या प्रश्नाची उत्तरं हवी होती. पोलिसांनी रोहितशी संवाद साधला. फोनवर तब्बल १ तास बोलणं झालं होतं. रोहितला दिपक केसरकर यांच्याशी बोलायचं होतं, अशी माहिती आता समोर आली आहे.

दरम्यान, विरोधकांनी या प्रकरणी शिवसेनेचे नेते आणि माजी शालेय शिक्षम मंत्री दिपक केसरकर यांच्यावर टीका केली आहे. काँग्रेसचे नेते विजय वडेट्टीवार यांनी प्रतिक्रिया दिली. ते म्हणाले की, रोहित आर्याने जो प्रकार केला तो निदनिय आहे. १७ निरागस मुलांना डांबून ठेवणारा रोहित आर्यापासून मुलांना वाचवलं याबद्दल पोलिसांचं अभिनंदन करतो.  हा रोहित आर्या मनोरुग्ण असल्याचे सांगितले जातं. जर तो मनोरुग्ण होता तर त्याला शालेय शिक्षण विभागाचे स्वच्छता मॉनिटर सुंदर शाळा या योजनेचे काम कसं दिलं? त्याचे दोन कोटींचे बिल थकवले आहे हे तो सतत सांगत होता. या घटनांचे गांभीर्य सरकारच्या लक्षात येणार आहे की नाही? ऐपत नाही तर काम का करून घेत आहेत? राज्य कंगाल केलं आहे आणि याचे खापर दुसऱ्यावर फोडत आहे, अशी टीका वडेट्टीवार यांनी केली.