Manoj Jarange: अखेर मनोज जरांगेंनी उपोषण सोडलं, या कारणामुळे घेतली माघार

मनोज जरांगे पाटील अंतरवाली सराटीमध्ये उपोषणाला बसले होते. आज पाचव्या दिवशी उपोषण सोडलं. पण उपोषण व्यवस्थित चाललं मात्र बुधवारी रात्री शुगर 58 झाली, तर बीपी पण 70 होता. त्यामुळं रात्री त्रास होत होता. सकाळी डॉक्टरांनी सल्ला दिला होता की उपोषण सोडावे लागेल. त्यानंतर जरांगेंनी यांनी सकाळी उपोषणाला स्थगिती देणार अशी घोषणा केली. दुपारी गावकऱ्यांच्या हस्ते जरांगेंनी ज्यूस घेऊन उपोषण सोडलं. यावेळी त्यांनी सरकारवर सडकून टीका केली.

मात्र रात्री आपल्या लोकांनी धरलं मला आणि सलाईन लावलं. तुमची माया मला काही बसू देत नाही. तुम्ही असले तर मराठा समाज एकजुट राहिल तुम्ही पाहिजेत आणि तुम्ही उपोषण सोडा असं मराठा बांधवांचं म्हणणं होतं. उपोषण ही माझी शक्ती आहे त्यालाच ते घाबरतात. माझ्या उपोषणामुळं समाजाला काहीही काही तरी मिळालंय मी माझ्या समाजाच्या कामी जीवन लावलं आहे. सलाईन लावलं असंच बसण्यापेक्षा उपोषण सोडलेलं बरं. तुम्ही सांगा काय करायचं आहे तर हे आमरण उपोषण स्थगित करून टाकू. आता पुढची तयारी करायची आहे. हा मंडपही काढून ठेवा काहींना हे मोकळं पाहिजे. पैठण फाट्यावर कार्यालय करून काम चालू करू. या गावाचं लई मोठं योगदान आहे, पहिला गुलाल अंतरवालीतून सुरु होईल हा शब्द आहे, असंही जरांगे म्हणाले.